کراچی (سٹی رپورٹر)محکمہ موسمیات کی جانب سے ممکنہ برسات کی پیش گوئی کے بعد چیئرمین لیاقت آباد ٹاﺅن فراز حسیب کی زیر صدارت افسران کا اجلاس، اجلاس میں وائس چیئرمین اسحاق تیموری، کو آرڈیینٹر صغیر احمد انصاری، انور جمال، ڈائریکٹر سینی ٹیشن ناصر خان، ڈائریکٹر ایڈمنسٹریشن فیض احمد، ڈائریکٹر الیکٹریکل محمداصغر، ڈائریکٹر بی اینڈ آر شفقت عالم ڈائریکٹر پارکس ریحان ہمدانی، ڈائریکٹر اینٹی انکروچمنٹ ساجد شیخ، پی ایس سید نزیر مسعود، اور دیگر افسران بھی موجود تھے۔ اجلاس میں چیئرمین لیاقت آباد ٹاﺅن فراز حسیب نے لیاقت آباد ٹاﺅن میں رین ایمرجنسی نافذ کرنے کے احکامات دیے جبکہ محکمہ باغات، ریسکیو،سینی ٹیشن اور محکمہ بی اینڈ آر کے تمام ملازمین کی چھٹیاں منسوخ کرکے انھیں فوری اپنے محکمہ میں رپورٹ کرنے کی ہدایت جاری کردی۔ فراز حسیب نے کہا کہ عوام کو دوران برسات مکمل ریلیف فراہم کرنے کے لیے برساتی نالوں کی صفائی، سیوریج اور گٹرلائنز کو، رننگ کنڈیشن میں رکھا جا ئے فراز حسیب نے ایسی جگہوں پر خاص توجہ مرکوز رکھنے کی ہدایت کی کہ جہاں پانی کا اجتماع ہوتا ہے اور عوام کے لیے مشکلات کا باعث بنتا ہے انہوں نے کہا کہ ممکنہ برسات میں چاکنگ پوائنٹس اور نشیبی علاقوں پر خصوسی توجہ دینے کی ضرورت ہے کیونکہ ان جگہوں پر بارش کا پانی جمع ہو جاتا ہے اس لیے ان جگہوں پر پانی کی نکاسی کے پیشگی انتظامات کیے جائیں،انہوں نے عملے کو 24 گھنٹے ا لرٹ رہنے کے ساتھ ساتھ برساتی نالوں کے چوکنگ پوائنٹ کو کلیئر کرنے کے اور صفائی ستھرائی کے عمل کو مزید تیز کرنے کے احکامات دیے جبکہ یونین کمیٹیز کی سطح پر سیوریج اور گٹرلائنوں کورننگ کنڈیشن میں رکھنے کے لیے بھی متعلقہ اداروں سے باہمی رابطہ رکھا جائے اور اگر کہیں کسی قسم کی رکاوٹ ہوتو فوری دور کی جائے۔ انہوں نے کہا کہ دوران برسات معمول کی صفائی میں کسی قسم کا تعطل پید انہ ہونے پائے۔انہوں نے ہدایت کی کہ ”ڈی واٹرنگ“پمپس ورکنگ کنڈیشن میں رکھے جائیں اورمرکزی شاہراہوں پر بارش کے پانی کی نکاسی کا فوری بندوبست کیا جائے تاکہ ٹریفک کی روانی میں کسی قسم کا خلل نہ پڑے، فراز حسیب نے ریسکیو انچارج کو ہدایت دیتے ہوئے کہا کہ کسی بھی نا حوشگوار صورتحال سے نمٹنے کے ریسکیو عملے کی فیلڈ میں موجودگی کو یقینی بنایا جائے۔
