کراچی (اسپورٹس رپورٹر)پاکستان سپر لیگ 8 کا دوسرا میچ بھی سنسنی سے بھرپور رہا، پشاور زلمی نے کراچی کنگز کو 2 رنز سے شکست کا سامنا کرنا پڑا، عماد وسیم اور شعیب ملک کی نصف سنچریاں ضائع ہوگئیں، آخری اوور میں 16 رنز درکار تھے، خرم شہزاد نے 13 رنز دے کر ٹیم کو فتح دلادی۔پی ایس ایل 8 کے دوسرے میچ میں پشاور زلمی نے کراچی کنگز کو جیت کیلئے 200 رنز کا ہدف دیا تھا۔جواب میں کراچی کنگز کو ابتداءسے ہی مشکلات کا سامنا کرنا پڑا، شرجیل خان صفر، حیدر علی 12 اور قاسم علی 7 رنز بنا کر پویلین لوٹ گئے، میتھیو ویڈ 23رنز سے آگے نہ بڑھ سکے۔کراچی کنگز کے 46 رنز پر 4 کھلاڑی ا?و¿ٹ ہوچکے تھے، ایسے میں تجربہ کار بیٹر شعیب ملک نے کپتان عماد وسیم کے ساتھ مل کر 133 رنز کی قابل قدر شراکت قائم کرکے ٹیم کو جیت کی ڈگر پر ڈالا تاہم 177 کے مجموعے پر شعیب ملک 52 رنز بنا کر وکٹ گنوا بیٹھے۔شعیب ملک کے آو¿ٹ ہونے پر بین کٹنگ کریز پر آئے اور کپتان کے ساتھ مل کر ٹیم کا اسکور 19 اوورز میں 184 رنز تک پہنچادیا، آخری اوور میں کراچی کنگز کو جیت کیلئے 16 رنز درکار تھے، پشاور زلمی کے بولر خرم شہزاد کے اوور میں 2 نو بال ہوئیں تاہم نپی تلی بولنگ کی وجہ سے عماد اور کٹنگ صرف 13 رنز ہی بناسکے۔عماد وسیم 47 گیندوں پر 7 چوکوں اور 4 چھکوں کی مدد سے 80 رنز اور بین کٹنگ 9 رنز بنا کر ناٹ آو¿ٹ رہے۔پشاور زلمی کی جانب سے وہاب ریاض اور جیمز نیشم نے 2، 2 کھلاڑیوں کو آو¿ٹ کیا۔
