لاہور(اسپورٹس ڈیسک)پاکستان نے انگلینڈ کو ایک اور سنسنی خیز میچ میں 6 رنز سے شکست دیدی، بولرز نے 146 رنز کے ہدف کا بھرپور دفاع کیا۔لاہور کے قذافی اسٹیڈیم میں کھیلے گئے پانچویں ٹی 20 میں پاکستان نے انگلینڈ کو جیت کیلئے 146 رنز کا ہدف دیا تھا۔انگلش ٹیم مقررہ 20 اوورز میں 7 وکٹوں کے نقصان پر 140 رنز بناسکی، آخری اوور میں انگلینڈ کو جیت کیلئے 15 رنز درکار تھے، عامر جمال نے ایک گیند وائٹ کی جبکہ تیسری گیند پر معین علی نے چھکا لگا دیا۔انگلینڈ کو آخری تین گیندوں پر 8 رنز درکار تھے تاہم عامر جمال نے شاندار بولنگ کرتے ہوئے صرف ایک ہی رن دیا۔ انگلینڈ کی جانب سے معین علی ناقابل شکست 51 رنز بنا کر ٹاپ اسکورر رہے، ڈیوڈ ملان نے 36 رنز بنائے۔فل سالٹ 3، ایلکس ہیلز ایک، بین ڈکیٹ 10، ہیری بروک 4، سام کورن 17، کرس ووکس 10 رنز بنا کر آو¿ٹ ہوئے۔پاکستان کی جانب سے حارث رو¿ف نے دو، محمد نواز، محمد وسیم، شاداب خان، افتخار احمد اور عامر جمال نے ایک ایک کھلاڑی کو آو¿ٹ کیا۔گرین شرٹس کو انگلینڈ کیخلاف 7 میچوں کی سیریز میں 2-3 کی برتری حاصل ہوگئی، چھٹا ٹی ٹوئنٹی 30 ستمبر جبکہ آخری 2 اکتوبر کو لاہور میں کھیلے جائیں گے۔محمد رضوان اور بابر اعظم نے پاکستان کی اننگز کا آغاز کیا۔ 17 رنز سے مجموعی اسکور پر کپتان بابراعظم اپنی وکٹ گنوا بیٹھے، انہوں نے 9 رنز بنائے۔پاکستان کی دوسری وکٹ 42 رنز پر شان مسعود کی صورت میں گری، وہ 7 رنز بناکر پویلین لوٹے۔51 رنز پر حیدر علی آو¿ٹ ہوگئے، انہوں نے صرف 4 رنز بنائے۔ 81 رنز کے مجموعے پر افتخار احمد اور 88 رنز پر آصف علی چلتے بنے۔محمد نواز کھاتہ کھولے بغیر ہی رن آو¿ٹ ہوگئے، شاداب کے ارادے خطرناک تھے پہلی ہی گیند پر چھکا لگانے کے بعد دوسری گیند میں جلد بازی کی وجہ سے وہ بھی رن آو¿ٹ ہوئے۔اسی دوران محمد رضوان نے اپنی ایک اور نصف سنچری مکمل کی۔118 رنز پر عامر جمال کی صورت میں پاکستان کو آٹھواں نقصان اٹھانا پڑا۔131 رنز کے مجموعے پر محمد رضوان کی مزاحمت بھی جواب دے گئی۔ وہ 46 گیندوں میں 63 رنز بنانے کے بعد آو¿ٹ ہوئے۔145 رنز پر پاکستان کی پوری ٹیم پویلین لوٹ گئی۔
