کراچی (اسپورٹس رپورٹر)انگلینڈ کرکٹ ٹیم 17 سال بعد پاکستان کے دورہ پر کراچی پہنچ گئی ہے، انگلش کرکٹ ٹیم دبئی سے امارات ایئر لائن کی پرواز ای کے 600 سے کراچی پہنچی ہے۔نجی ٹی وی "جیو نیوز "کے مطابق ذرائع سول ایوی ایشن کے مطابق انگلش کرکٹ ٹیم دبئی سے امارات ایئر لائن کے ذریعے کراچی پہنچ گئی ہے، پولیس حکام کے مطابق مہمان ٹیم کے لیے کراچی ائیرپورٹ اور ہوٹل کے روٹ پر سخت حفاظتی انتظامات کیے گئے ہیں، انگلینڈ کرکٹ ٹیم کو خصوصی حفاظتی انتظامات اور پروٹوکول میں ہوٹل لایا گیا ہے،پاکستان اور انگلینڈ کے درمیان 7 ٹی ٹوئنٹی میچوں پر مشتمل سیریز کا آغاز 20 ستمبر سے ہو گا۔سیریز کے ابتدائی4میچز کراچی میں کھیلے جائیں گے جبکہ آخری 3میچز لاہور کے قذافی سٹیڈیم میں کھیلے جائیں گے،انگلش ٹیم کی قیادت جوز بٹلر کر رہے ہیں جبکہ نائب کپتان معین علی ہیں۔
