کراچی(کرائم رپورٹر) شہرکراچی میں ڈاکو بے خوف وارداتیں کرنے لگے، جس کی تازہ مثال میں ایک ڈاکو شہر کے مصروف علاقے میں خاتون اسسٹنٹ کمشنر کو لوٹ کر فرار ہوگیا۔ تفصیل کے مطابق بہادرآباد کے علاقے میں اسسٹنٹ کمشنر فیروزآباد عاصمہ بتول اپنے اہل خانہ کے ہمراہ ناشتہ کرنے کے لیے بہادرآباد کے علاقے میں موجود تھیں۔ اس موقع پر ان کے دو بچے اور شوہر بھی ہمراہ تھے کہ موٹر سائیکل سوار ملزم موبائل فون اور پرس چھین کر فرار ہوگیا۔ اسسٹنٹ کمشنر فیروز آباد نے میڈیا کو بتایا کہ ملزم نے پہلے ہماری مکمل ریکی کی اوراس کے بعد اسلحہ کے زور پرواردات کی۔عاصمہ بتول کے مطابق ملزم موبائل فون، پرس ،اے ٹی ایم کارڈ ، نقدی اور دیگر ضروری سامان چھین کرفرار ہوا۔ انہوں نے بتایا کہ چھینا جھپٹی کی واردات اتوار کی صبح پیش آئی تھی۔ پولیس نے واردات کا مقدمہ الزام نمبر 2022/332 بجرم دفعہ 397 اسسٹنٹ کمشنر کی مدعیت میں نیو ٹاﺅن تھانے میں درج کر لیا ہے