کراچی(اسٹاف رپورٹر)کراچی میں ایم نائن لنک روڈ پر ملیر ندی کے سیلابی پانی میں بہنے والی گاڑی ندی سے مل گئی، تاہم گاڑی میں سوار 7 افراد تاحال لاپتہ ہیں۔لواحقین کے مطابق گاڑی میں ڈرائیور اور 4 بچوں سمیت 7 افراد سوار تھے۔گزشتہ رات ہونے والی بارش کے بعد ایم نائن لنک روڈ پر ملیر ندی کا سیلابی پانی ا? گیا تھا۔سیلابی پانی کو پار کرنے کے دوران گاڑی سیلابی ریلے میں بہہ کر ندی میں جا گری تھی۔ریسکیو ذرائع کے مطابق رات گئے گرنے والی گاڑی کی تلاش کا کام شروع کیا گیا تاہم اندھیرا ہونے کے باعث گاڑی کی تلاش کا کام روک دیا گیا تھا۔ جمعرات کی صبح روشنی ہونے کے بعد ایدھی رضا کاروں نے گاڑی کی تلاش کا کام پھر شروع کیا تو لنک روڈ سے 2 سے 3 کلومیٹر دور گاڑی ندی سے مل گئی۔ریسکیو ذرائع کے مطابق گاڑی میں کوئی نعش موجود نہیں تاہم گاڑی میں سوار افراد کی تلاش کا کام جاری ہے۔ایدھی ذرائع کے مطابق گاڑی میں سوار خاندان کا تعلق حیدر آباد سے ہے۔گاڑی میں ڈرائیور کی علاوہ میاں بیوی اور ان کے 4 بچے سوار تھے، متاثرہ خاندان کے افراد کراچی سے حیدر آباد جا رہے تھے۔ دوسری جانب ملیر ندی میں پانی کی سطح کم ہونے کے بعد ایم نائن لنک روڈ پر ٹریفک کوبحال کر دیا گیا ہے۔ سپر ہائی وے سے نیشنل ہائی وے تک ہیوی ٹریفک کی ا?مد و رفت بحال ہو گئی ہے۔ کئی گھنٹے سڑک بند ہونے کے باعث لنک روڈ پر ٹریفک کا دباﺅ ہے۔