main header

newspaper

href="https://aghazeinqilabnews.blogspot.com/p/10-04-2023.html">

ایشیا کپ ‘بھارت نے پاکستان کو5 وکٹوں سے شکست دے دی


کراچی(آغازانقلاب ڈیسک)ایشیا کپ کے میچ میں بھارت نے سنسنی خیز مقابلے کے بعد پاکستان کو شکست دیدی۔پاکستان کے 148 رنز کے تعاقب میں بھارت نے 5 وکٹوں کے نقصان پر 19.4 اوور میں ہدف حاصل کرلیا۔بھارت کو آخری اوور میں 7 رنز درکار تھے تاہم پہلی ہی گیند پر محمد نواز نے جدیجا کو آوٹ کردیا جس کے بعد دنیش کارتھک بیٹنگ کیلئے آئے، آخری اوور کی چوتھی گیند پر ہارڈیک پانڈیا نے چھکا لگاکر اپنی ٹیم کو فتح دلادی۔میچ میں پاکستانی باولرز نے شاندار کارکردگی کا مظاہرہ کیا اور بھارت کو کھل کر کھیلنے کا موقع نہیں دیا، نسیم شاہ کے پہلے اوور میں دوسری ہی گیند پر کے ایل راہول بغیر کھاتا کھولے پویلین لوٹ گئے، محمد نواز نے تین اور نسیم شاہ نے 2 کھلاڑیوں کو پویلین کی راہ دکھائی۔پہلے بیٹنگ کرتے ہوئے پاکستانی ٹیم روایتی حریف کو بڑا ٹارگٹ دینے میں ناکام رہی اور اسکے تمام کھلاڑی یکے بعد دیگرے پویلین لوٹتے رہے، پاکستان کی پوری ٹیم 19.5 اوور میں 147 رنز بناکر آوٹ ہوگئی۔آخری اوور میں شاہنواز دھانی نے 6 گیندوں پر 16 رنز بناکر پاکستان کا اسکور 147 پر پہنچایا، وہ شاٹ کھیلنے کی کوشش میں ارشدیپ سنگھ کی گیند پر آوٹ ہوگئے۔بھونیشور کمار کے 19 ویں اوور میں شاداب خان اور نسیم شاہ یکے بعد دیگرے پویلین لوٹ گئے، دونوں ایل بی ڈبلیو ہوئے، شاداب خان نے 9 گیندیں کھیل کر 10 رنز بنائے جبکہ نسیم شاہ بغیر کھاتہ کھولے پویلین لوٹے۔پاکستان کی ساتویں وکٹ 17 ویں اوور میں گری جب محمد نواز ایک رن بناکر ارشدیپ سنگھ کی گیند پر کیچ آوٹ ہوگئے، چھٹی وکٹ 17 ویں اوور میں گری جب آصف علی 9 رنز بناکر بھنیشور کمار کی گیند پر کیچ آوٹ ہوگئے۔پاکستان کی پانچویں وکٹ 14 ویں اوور میں 97 کے مجموعی اسکور پر گری جب خوشدل شاہ 2 رنز بناکر ہارڈیک پانڈیا کی گیند پر آوٹ ہوگئے، اسی اوور میں 96 کے مجموعی اسکور پر محمد رضوان 43 رنز بناکر کیچ آوٹ ہوگئے۔پاکستان کی تیسری وکٹ 87 رنز کے مجموعی اسکور پر گری جب فتخار احمد 28 رنز بناکر ہارڈیک پانڈیا کی گیند پر وکٹ کیپر کو کیچ تھما بیٹھے، دوسری وکٹ 42 کے مجموعی اسکور پر گری جب فخر زمان 10 رنز بناکر وکٹ کے پیچھے اویش خان کی گیند پر کیچ آوٹ ہوگئے۔پاکستان کی طرف سے بیٹنگ کا آغاز اوپننگ جوڑی بابر اعظم اور محمد رضوان نے کیا، 15 رنز کے مجموعی اسکور پر کپتان بابر اعظم 9 گیندوں پر 10 رنز بناکر بھونیشور کمار کی گیند پر کیچ آوٹ ہوگئے۔اس سے قبل بھارت نے ٹاس جیت کر فیلڈنگ کا فیصلہ کیا تھا، دبئی کرکٹ اسٹیڈیم میں ایونٹ کے سب سے بڑے مقابلے کے لیے دونوں ٹیموں نے بھرپور تیاری کی ہے، دبئی اسٹیڈیم میں تل دھرنے کی جگہ نہیں ہے اور شائقین سے کھچا کھچ بھرا ہوا تھا۔سیلاب سے پاکستان میں تباہی کی وجہ سے قومی کرکٹ ٹیم بازووں پر سیاہ پٹیاں باندھ کر میچ کھیل رہی ہے، میچ شروع ہونے سے پہلے دونوں ٹیموں کے قومی ترانے پڑھے گئے۔

0/Post a Comment/Comments