کراچی(تعلیمی رپورٹر) محکمہ تعلیم سندھ نے تیز بارشوں کے پیش نظر تمام اسکولز اور کالجز میں دو روزہ تعطیل کا اعلان کردیا۔تفصیل کے مطابق محکمہ تعلیم نے سندھ حکومت کے زیر انتظام تمام اسکولز اور کالجز میں بدھ اور جمعرات کو عام تعطیل کا اعلان کردیا۔اس حوالے سے وزیر تعلیم سندھ سردار شاہ کا کہنا ہے کہ حالیہ تیز بارشوں کے پیش نظر دو دن 24 اور 25 اگست چھٹی کا اعلان کر رہے ہیں تاکہ طالب علموں کو ہر مشکل و پریشانی سے محفوظ رکھا جاسکے۔خیال رہے کہ گزشتہ ایک ماہ سے ہونے والی شدید بارشوں اور سیلاب کے باعث سندھ کے بیشتر علاقے زیر ا?ب ا?چکے ہیں جب کہ درجنوں افراد لقمہ اجل بن چکے ہیں۔